Deskripzioa eta oharrak:

Juan Lopez de la Puentek sortu zuen eliza hau. Habearte bakarra du, eta dorre karratu bat, 1732an egina. Kadagua ibaiaren ertzean dago, eta bi sarbide ditu. Zaharrena atzeko aldean du, eta bestea, berriz, alboan, Mendia kalera ematen duen aldean. Bi sarbide horiek arkupe baten barruan daude (bi aldeak hartzen ditu); arkupeak egurrezko sabaia du, eta burdinazko zutabeek eusten diote.

Atzeko aldeko sarbideak zirkuluerdiko arkua du, dobeladuna, eta zutabeak ditu ezker-eskuin. Beste sarbidea geroztik egina da; barrokoa da, eta zirkuluerdiko arku du horrek ere, eta pilastrak ezker-eskuin. Taulamendu bat ere badu, eta tenplete bat gorengo aldean.

Kanpoko aldean, kontrahorma sendoak ditu, harri landuz eginak. Gainerako guztia manposteriaz egina du.

1715. urteko erretaula bat dauka, moja Karmeldarren komentutik ekarria. Egun, Balmasedako Historiaren Museoa dago eraikin horretan.