Deskripzioa eta oharrak:

Beste eraikin bati atxikia dago etxea hau. Oinplano angeluzuzena du, eta hiru isuriko teilatua. Beheko solairua, beste hiru solairu eta teilatu azpia ditu. Hormak manposteriaz eginak ditu, eta igeltsuztatuak eta zurituak ditu. Harlandua leku jakinetan ageri da: baoen inguruan, izkinetan eta alde nagusiko beheko solairuan.

Alde nagusian, hiru bao ditu solairu bakoitzean. Beheko solairuan, hirutik bi sarbidek dira, eta leihoa dago bien tartean. Goiko solairuetan, balkoiak dira bao guztiak. Teilatu azpian, berriz, hiru leiho txiki ditu, eraikina haizeberritzeko.

Bigarren solairuaren parean, izkina batean, armarri handi bat dauka, oso egoera onean, gainera. Ibilian doazen bi otso ageri dira. Eraikinaren atzeko eta ezkerreko aldeek interes gutxiago dute.