Deskripzioa eta oharrak:

Eraikin bat baino gehiago biltzen ditu multzo honek: ikasle-egoitza eta ikastetxe moduan erabiltzen den eraikina, komentua (elizari atxikia) eta eliza bera. Bidarte familiakoek sortu zuten komentua, 1547an. Eliza 1793an inauguratu zuten.

Eliza barrokoa da, eta harladuxkaz egina dago. Sarbidea dintelduna da, eta pilastrak ditu ezker-eskuin; goiko aldean, berriz, Mesedeetako Ama Birjinaren armarria du. Gorengo aldean, kanpandorrea du, bi gorputzekoa, eta frontoia ere bai, piramide eta bolekin apaindua.

Oinplanoa gurutze latindarraren itxurakoa du elizak, eta habearte bakarra. Aldare nagusiaren aldea zuzena du, eta sabaian, berriz, kanoierdiko ganga dauka, arku fajoiekin. Atzeko aldean, koroa du, arku karpanelen gainean jarria eta hesiz itxia.

Komentuak bi solairu ditu, harlanduxkaz eginak, eta horien gainean, beste hiru solairu eraiki dituzte XX. mendean. Adreiluz eta hormigoiz eginak daude, eta ikastetxea jarri dute bertan.