Deskripzioa eta oharrak:

Erdi Aroko dorre gotikoa da Ansotegi dorrea, eta, denborarekin, etxe barroko bihurtu zen. Antxia dorrearen ondoan dago. Harlanduxkaz egina dago, baina harri landua ageri da alde nagusiko leku seinalatuenetan: izkinetan eta bao inguruetan.

Alde nagusiak Guen kalera ematen du, eta bi sarbide zorrotz ditu; horien alboetan, bi bao angeluzuzen (saieterak izan ziren bere garaian). Lehen solairuan, lau bao pare ageri dira, leiho habeek banatzen dituztela. Ezker alboan dagoena soilik da jatorrizkoa. Alde hori, gainerakoan, guztiz berritua dago.

Oso ongi zaindua dago eraikin hau, eta beheko solairuaren zati batean, bulegoak jarri dituzte.