«« Itzuli
Salvador Dalí
Dalí Antzoki-Museoa
Dalí Antzoki-Museoa 1974an inauguratu zuten. Figueres-eko antzoki zaharraren hondakinen gainean eraiki zuten eta Dalík artean egin zuen bidea erakusten duen bilduma zabala dauka.
Han ikusgai dauden lanik garrantzitsuenak honako hauek dira: Port Alguer (1924), El espectro del Sex-appeal (1932), Autorretrato blando con beicon frito (1941), Poesía de América-Los atletas cósmicos (1943), Galarina (1944-45), La cesta de pan (1945), Leda atómica (1949) eta Galatea de las esferas (1942).
Port Alguer (1924)
Alguer katalanez egiten den Sardiniako herri bat da.
Aipagarriak dira, orobat, artistak berariaz Antzoki-Museorako egin zituen lanak, hala nola Mae West Aretoa, Palau del Vent Aretoa, el Francesc Pujols-en Monumentua eta Cadillac lluvioso. Dalík hala nahi izan zuelako, beste artista batzuen lanak ere badaude: El Greco, Marià Fortuny, Modest Urgell, Ernest Meissonier, Marcel Duchamp, Wolf Wostell, Antoni Pitxot eta Evarist Vallès-enak, besteak beste.