Gaur egungo deskripzioa:

Multzo hau elkarren artean bereizirik dauden hiru eraikinek osatzen dute: bi silo eta baskularen kontrolerako etxea. Agurain eta Dulantzi lotzen zituen errepide zaharraren ondoko trenbidearen trazatuaren ertzean dago, zereala errazago garraiatzeko.

Datu historikoak:

Silo hauek eskualdean sortzen zen zereala biltzeko eta banatzeko eraiki ziren. Makineria gero eta modernoagoa ipini da, ahalmen handiagoa izateko: gaur egun, depositu bakoitzean 92.000 kilo gorde daitezke. Silorik berrienak kargalekua eta tolba kanpoaldean dauzka, eta 2.700 kilorentzako lekua.

Ekoizpen prozesua:

Zereal aleak tolbara bota eta, mota guztietako zaborrak kendu eta gero, deposituetara igotzen zen. Depositu guztiak elkarren artean komunikaturik daude, batetik bestera egin beharreko aldaketak egin ahal izateko.