«« Itzuli
Bizitzaren sorrera. Eboluzioaren teoria
Darwinen ideiak sustengatzen dituzten gertaerak
Zientziaren adar desberdinek eboluzioaren fenomenoa egiaztatzen dute.
Anatomia erkatua: organismoen aniztasun ikaragarria dagoen arren, modelo morfologiko edo oinarrizko egituren kopurua nahiko murritza da.
Enbriologia: ornodun desberdinen enbrioiak erkatzean, antzekotasun handia ikus daiteke enbrioien lehen estadioetan. Garapenak aurrera egin ahala, antzekotasun hori gutxitzen doa eta espeziearen berezko ezaugarriak hartzen dira (laburbilketaren teoria).
Fisiologia eta biokimika: izaki bizidunek molekula-mailan duten parekotasun horrek jatorri berbera adierazten du. Beste ezaugarri fisiologiko eta biokimiko batzuk erresuma bakoitzak berezkoak eta bakarrak ditu, hala nola fotosintesia landareetan.
Paleontologia: fosilen erregistroaren bidez, eboluzio-serie osoak berreraiki ahal izan ditu, izaki bizidunen multzo baten eboluzio-etapa desberdinak azalduz.
Biogeografia: animalien eta landareen espezie askoren banaketa geografikoak eboluzioaren bitartez bakarrik eduki dezake azalpen bat.
