Opor garaiko jarduerak
Uda Euskaditik bidaiatzeko garai bikaina da, hondartzetan edo mendietan atseden hartzeko eta jai, gastronomia eta ohiturekin gozatzeko. Zure ibilbidea hobeki planifikatzeko, gure lurraldean dauden turismo bulegoetako batera jo dezakezu.
Udako bidaztientzako aukera interesgarrienetako bat landetxeak dira, bertako biztanleen bizi eta sentitzeko moduarekin harreman zuzenagoa izateko aukera ematen duten ostatuak. Landetxeek gero eta harrera hobea dute.
Eguberriaren oporrekin, askok merezitako atsedena hartzeko aprobetxatzen dute. Urteko garai horretan hotzak eta euriak leku itxietan ibiltzera gonbidatzen gaituzte. Baina horrek ez du aisialdiko eskaintza murrizten: familiak eguberriko parkeetara edo parke tematikoetara joan daitezke, baita jaiotza erraldoiren bat bisitatu ere. Eta Olentzero ikusteko denbora ere hartu behar da, Gabon-gau egunean, baita txikiteorako ere, ardo bero batekin berotzeko.
Aste santuan klima gozoagoa da eta garai horretako erlijio-tradizio tipikoak ikus ditzakegu. Bilboko eta Balmasedako aste santuak -Via Crucis biziduna irudikatzen dutenak- nabarmenenetakoak dira.
Olentzero
Olentzeroren historiaGabon-gauan, Euskadiko haurrek Olentzeroren opariak jasotzen dituzte. Pertsonaia hori, euskal tradizioan sortutakoa, ikazkin argia da, ona eta apur bat tripaundia. Kristoren jaiotzaren berri izaten du mendian lanean ari denean, eta herrietara eta hirietara jaisten da guztiei horren berri ematera. Gabon-gauan, Euskadiko herrietako haur eta helduek gabonsaria eskatzen diete bizilagunei, Olentzero irudikatzen duen panpinarekin kaleetan kantu tradizionalak kantatzen ibiltzen diren bitartean.