Albisteak
Erreportajeak
Omar Sosak AEBko antzinako musika birsortu du
Bere izpiritu ikertzaileari fidel, Omar Sosa kubatarrak AEBko antzinako musika izan du protagonista Across the divide: A tale of rhythm & ancestry lan berrian. Esklaboen garaitik paisaia musikalak berreskuratzen dituen disko bat da, arraza desberdinen arteko elkarbizitza aldarrikatzen dituzten pasaiak, hain zuzen ere. Artistak bere musika eta filosofia Getxoko Jazzaldira eramango ditu datorren astean.
Erreportaje didaktikoak
Lenny Kravitz, lan bakoitzeko, arrakasta bat
Lenny Kravitzek instrumentu anitz jotzeko duen gaitasunari produktore eta moldatzaile gisa egindako lanak gehituz arrakasta lortzeko bidea aurkitu du eta honi esker, azken urteotako musikagilerik errespetatuenetakoa izatera heldu da. Bere ibilbidean zehar Mick Jagger, Stevie Wonder edo Michael Jackson bezalako artista garrantzitsuekin lan egiteko aukera izan du. Bere musikak genero, estilo arraza eta klase ezberdinetan eragina izan du urteen buruan.
Gomendatuak
No Line on the Horizon, U2k isilaldia hautsi du
Interscope Records, 2009
Bost urteko isilunearen ostean U2 taldeak ateratako hamabigarren diskoa da No Line On The Horizon. Diskoa desberdin landu dute irlandarrek hasiera-hasieratik. Lehen singlea, "Get On Your Boots", filtratu egin zuten iaz. Izan ere, Bono Frantziako Kosta Urdinean zen oporretan eta hainbat kanturen lehen grabazioak ozen entzuten ari zela, zale batek grabatu eta zabaldu egin zuen lehen single gisa aurkeztu dutena. Diskoko kanturik zuzenena da, energiaz beterikoa eta emakumeak boterea hartzearen aldeko hitzak ditu. U2k, No Line On The Horizon diskoko kantuetan bere konpromiso soziala berretsi nahi izan du. Bidegabekeriak, gerrak, gosea eta antzeko kontzeptuak nabarmenak dira abestietako hitzetan. Dublingo laukotearen disko berriaren azalak tonu grisak ditu eta bi lerro ikusiko dira hodeiertzean, itsasoak eta zeruak bat egiten duten lekuan. Hiroshi Sugimoto artista eta argazkilari japoniarrak sortu du bildumaren azala. Fezen (Maroko), Dublinen, New Yorken eta Londresen grabatu dituzte kantuak. The Black Eyed Peas taldeko lider Will.i.amek "I?ll Go CrazyIf I Don?t Go Crazy Tonight" kantuan hartu du parte.
Agenda
- Benito Lertxundi, Ana Maria Sanchez, Euskadiko Orkestra Sinfonikoa eta Donostiako Orfeoiaren kontzertua Kursaal Jauregiaren 10. urtemuga ospatzeko
2009/06/25 - Ekonen kontzertua Arrasaten
2009/06/26 - Getxo Sound, Getxoko taldeen jaialdia
2009/06/26
Musika - Hiztegia
- Sinfonia: Orkestrarako konposizioa, hiru edo lau mugimendu nahikoa luzez osatua, horietako lehenak sonata-forma izanik.
