ARTIKULUAK

• Geografia fisikoa
• Gizakia eta zibilizazioa
• Europa
  • Europa. Ingurune fisikoa
  • Europa. Populazioa
  • Europa
  • Europako Batasunaren Eraikuntza
  • Europar Batasuneko Politikak
  • Europako Batasuneko Herrialdeak (I)
  • Europako Batasuneko herrialdeak (II)
  • Beste Estatu europarrak
  • Balkanak eta ekialdeko Europa
  • Errusia
  • Errepublika berriak
• Amerika
• Afrika
• Asia eta Ozeania
• Euskal Herria

Europa. Populazioa

Banaketa

• Iparraldeko Europa: Norvegia, Suedia, Finlandia, Islandia eta Danimarka. Populazio eskasa bizitza maila oso altuarekin.
• Atlantikoko Europa: Frantzia, Herbehereak, Belgika, Luxenburgo, Alemania, Britainia Handia eta Irlanda. Gune industrializatua bizitza maila on batekin, orokorrean.
• Erdialdeko Europa: Austria eta Suitza (herrialde industrializatuak bizitza maila on batekin). Txekiar errepublika, Eslovakia eta Hungaria (kapitalismorako aldaketagatik sortutako arazo ekonomikoak).
• Ekialdeko Europa: Errumania, Bulgaria, Moldavia, Ukraina, Bielorrusia, Estonia, Letonia, Lituania eta Errusia. Egoera ekonomiko larria, merkatu ekonomiarentzako trantsizio zaila dela eta.
• Kaukasoko Europa: Georgia, Armenia eta Azerbaijan. Ekonomia txarra eta gerra arazoak.
• Mediterraneoko Europa: Estatu espainiarra, Portugal, Italia, Grezia, Jugoslavia, Albania, Eslovenia, Kroazia eta Bosnia-Herzegovina. Bizitza maila ona Italia, Espainia, Portugal eta Grezian. Arazo ekonomiko larriak besteetan eta Albania, Bosnia eta Jugoslavian barruko gatazkak.

Europako populazioaren ezaugarriak

Arrazaren ikuspegitik, Europak arraza zuriko gehiengo populazioa du. Dena dela, ezberdintasun fisikoak ezberdinak dira eskualde batzuetatik besteetara, oso ezberdindutako populazio talde batzuk bereiztu daitezkeelarik.

• Eslaviarrak (Ekialdeko Europa eta Balkanak).
• Germaniarrak (erdiko Europa).
• Finlandiarrak (Finlandia).
• Mediterranearrak (Hegoaldeko Europa).
• Ekialdekoak (hungariarrak, turkiarrak, georgiarrak eta eragina Asiatikoa duten beste herriak).

XX. mendearen bigarren erdian zehar, aitzinako inperio kolonialetatik zetorren inmigrazioaren fenomenoa eman da. Honek, Frantzia edo Britainia Handia bezalako herrialdeek beste arrazatako biztanle kopuru handia izan dezatela egin du: arabiarrak, afrikarrak, indiarrak, e.a.

Gainera Europako populazioaren adinaren ikuspuntutik ere aztertu daiteke. Zentzu honetan azpimarragarria da Europa zahartzera jotzen duen kontinente bat dela bere jaiotza zein heriotza tasa baxuen ondorioz, egoera hau arazo demografiko larrienetarikoan bihurtu da.

Urbanizazioa

Europa urbanizazio maila altua duen kontinentea da. Arrazoiak anitzak dira:

• Hirietan lan eskaintza handiagoa.
• Zeritzuen kontzentrazioa.
• Erakunde publikoen presentzia.
• Industria asko.

Gaur egun europarren hiru laurden 100.000 biztanle baino gehiagoko hirietan bizi dira (15. gaia ikusi eta 16. gaiak ikusi). Hori bai, urbanizazioa ez datza soilik hirien hazkuntzan, baita ere zerbitzu zein hiri batzuk besteekin lotzen dituzten azpiegituren eraikuntzan, hauek lurraren eremu zabal bat betetzen dute, hiriguneetatik kanpo ere. Prozesu honen emaitza paisaia naturalaren eraldaketa da, giza paisaia batean bihurtzen dena. Europako ezaugarri bat da, hain zuzen, ondo kontserbatutako gune naturalen eskasia.

Populazio fluxuak

Europako populazioa historia garaikidean zehar hainbat migrazio mugimenduren protagonista izan da. Mugimendu hauek definitu dute kontinentearen egitura demografikoa.

• Baserritik hirirako inmigrazioa: garapen industrialaren lehen fasearen tipikoa. XVIII. mendetik ematen ari da, nahiz eta herrialde bakoitzean erritmo ezberdina bizi duen, bere hazkuntza prozesu propioari jarraituz.
• Europako emigrazioa herrialde txiroetatik aberatsetara: XX. mendeko , 1950 eta 1970 hamarkaden bitartean hegoaldetik Erdialdeko Europara emigratzen zuten pertsonek protagonizatu zuten. 1990 urtetik, ekialdeko Europako langileak dira Europa erdialdeko Estatu industrializatuetara mugitzen direnak.
• Hirugarren mundutik Europarako inmigrazioa: bai aitzinako europar kolonietatik eta bai guda egoeran dauden edo gobernu autoritarioak dituzten herrialdeetatik dator, azken hauek kasuan biztanleek asiloa eskatzen dute. Fenomeno hau Munduko Bigarren Gudatik ematen den arren, inmigrante ez europarren hazkuntza azken urteetan nabarmendu da herrialde azpigaratuak eta Europako Batasuneko Europa garatuaren arteko ezberdintasun ekonomiko geroz eta handiagoak direla eta.