ARTIKULUAK

• Geografia fisikoa
• Gizakia eta zibilizazioa
• Europa
• Amerika
• Afrika
• Asia eta Ozeania
  • Asia. Ingurune fisikoa
  • Asia. Ekonomia eta populazioa
  • Japonia
  • Txina
  • India
  • Asiako Hego-ekialdea
  • Erdialdeko eta hego mendebaldeko Asia
  • Ozeania
  • Poloak
• Euskal Herria

Asiako Hego-ekialdea

Ekialdeko Dragoiak: esportazio ekonomiak

Ekialde urruneko herrialde talde txiki bat, «Dragoiak» bezala ezagutuak, bere produktuen lehiakortasunari esker mundu osoko merkatu komertzialetan indarrez sartu da. Abantaila hau, dena dela ez da horrenbeste bere kalitatearen mailagatik baizik eta bere salneurri murritzengatik.

Herrialde hauek, Singapur, Taiwan, Hegoalde Korea edo Txinako Hong-Kong enklabea, ekonomia indartsu bat garatu dute japoniar ereduan (57. gaia ikusi) oinarriturik: produkzioak kanpo azokak ditu helburu moduan. Hau da esportazioa eta eskala handiko merkataritza, kapitalak azkartasunez lortzeko helburuarekin.

Modu honetan eskuratzen den dirua etengabeko hazkuntza industrialean berriz inbertitzen da, horrela industriak gutxika tamaina txikiko eta ertaineko enpresak gainditzen ditu eta industria handi batean sartzen doa.

Teknika honen emaitzak XX. mendeko azken hamarkadetan izugarria izan da eta sektore batzuetan, elektronikoa, automobilgintza edo jostailugintza bezala, ekialdetarrek negozioa dominatzera jotzen dute.

Indonesia

1998an Suhartoren diktadura bukatuta eta 2002an Ekialdeko Timorren independentziaren ostean, Indonesiak aurreko herrialdeen bide berbera jarrai dezake. Berrehun milioi biztanletako populazioa du eta baliabide natural handiak (petrolio eta mineralak).

Herrialdeak gas eta petrolio hobiak ditu, zeintzuen esplotazioak bere txirotasun egoera hobe dezala espero den.

Hazkuntza ekonomikoaren mugak

Dragoietaz gain, eskualdeko beste herrialde batzuk, hala nola Vietnam edo Thailandia, bere aurrekarien bide berdina jarraitzen saiatzen dira, Dena dela ekialde urrunaren hazkuntza industrial eta ekonomikoak muga batzuk izan ditzake, ondoko arrazoietatik eratorriak:

• Gain produkzioa, merkatuak saturatzera jotzen duena.
• Herrialde ezberdinen arteko konpetentzia bortitza.
• Aurrekoaren ondorioz, salneurrien erortzea.
• Produktuen kalitate txikia.
• Burtsen krisia Ekialdean (1997 eta 1998).

Gatazkak

Asiako ekialdeko muturraren garapena balazta lezakeen beste arazo handi bat barneko gatazkakortasun handia da, sarritan gudatan itzultzen dena, zeinak periodikoki eskualdea astintzen duen, batez ere Kanbodia eta Laos bezalako herrialdeak.

Egoera larriagoa da inguru menditsu eta oihantsuak lagunduta, gatazkek nazioko mugak gainditzen dituztenean eta bi Estatuen arteko guda ageriago edo ezkutukoagoa bihurtzen denean. Adibide argiena Vietnameko egoera da, birbateratzearen ondoren bere auzoko guztiekin intentsitate ezberdineko gatazkak izan dituen herrialdea.

Bi Koreak

Koreako penintsula 1948tik bi errepublikatan banatua dago, Ipar Korea eta Hego Korea, zeintzuk eredu antagonikoak aurkezten dituzten.

Ipar Korea munduko erregimen komunista hermetikoena da eta ia-ia nazioarteko beste komunitate guztiarengandik isolatua bizi da. 1994n lehen monarkia komunistan hereditarioan bihurtu zen Kim Jong II-k bere aita Kim II Sung diktadorea jarraitzean.

Hego Korea, aurreko orrialdean adierazten zen bezala, garapen handiena duen herrialdeetariko bat da, azken hamarkadetako industrializazio azeleratuari esker.