Industria-aroko lehenengo merkatuak garai batean salmenta ibiltaria, azokak… egiten ziren tokietan kokatu ziren. Tolosan lehenengo merkatu haietako bi adibide daude: 1785ean Plaza Zaharreko merkatuaren ordez eraiki zen Zerkausia; plaza zaharra bota egin zen, eta 1899an gaur egungoa eraiki zen. Oria ibaitik hurbil dago, metalezko egitura du eta hiru tokitatik du sarbidea. Dena den, gerora egindako berrikuntzetan itxi egin ziren luzekako ibilbidea eta argiarentzako eta airearentzako irekiguneak. Bigarren adibidea barazkien merkatua da, 1899 eta 1900 artean eraiki zena.

Burdinazko egitura hauek material berriekin berriztatu ziren gero, harriz eta hormigoi armatuz, besteak beste.