«« Itzuli
ikasGIDA: Ikaskuntza-jardueren gida
IkasGIDA
Euskal Autonomia Erkidegoan eskaintzen diren ikaskuntza-jardueren katalogoa
Bizitza osoan zehar egiten den ikaskuntzaren liburu zuriak etengabeko ikaskuntzak hiritarren bizi-baldintzak eta ekonomiaren lehiakortasuna hobetzen laguntzeko daukan garrantzi estrategikoa nabarmentzen du.
Etengabeko ikaskuntza sustatzeko giltzarrietako bat ikaskuntza hiritarrengana hurbiltzean datza, eta horretarako hiritarren interesetara nahiz haien gizarte- eta familia-bizitzara egokitzen den ikaskuntza-jardueren eskaintza malgua egin behar da.
IkasGIDAren helburua EAEn eskaintzen den prestakuntza guztia hiritarrengana hurbilduko duen tresna izatea da.
Web-aplikazio honek ondoren laburbiltzen diren funtzioak eskaintzen ditu:
- Ikaskuntzako bitartekotzari buruzko informazio orokorra, jarduerak etab.
- Bitartekoen eta hiritarren arteko informazio-trukaketa eta elkarreragingarritasuna erraztea.
- Ikaskuntza-jardueren eskaintza jasoko duen katalogoa, ikaskuntza-bitartekoen lagungarri moduan eta erabiltzaileentzako informazio orokor gisa.
- Bitartekoek bitartekotza-lanetan jarduteko protokoloak.
- Erabiltzaileen proposamenak jasotzea: prestakuntza-beharrak antzematea, argibideak ematea eta abar.