Urari buruzko Europako Gutuna
- ANIMAZIOA: Uraren banaketa munduan.
- TEST: Aukeratu erantzun zuzena
1968ko maiatzaren 6an idatzi zen Estrasburgon Urari buruzko Europako Gutuna. Uraren kudeaketa zuzena lortzeko printzipioen deklarazioa izan zen eta 12 artikulu zituen:
- 1. Urik gabe ez dago bizirik. Ura ezinbesteko altxorra da giza jarduera guztietarako.
- 2. Ura ez da agortezina. Kontserbatu eta kontrolatu egin behar da, eta ahal izanez gero, gehitu.
- 3. Ura kutsatzea gizakion bizitzaren aurka eta uraren mende bizi diren izaki bizi guztien aurka eraso egitea da.
- 4. Edozein erabileratarako baldintzetan eutsi behar zaio uraren kalitateari eta batez ere, osasun publikoaren eskaerak bete behar ditu.
- 5. Hondar-ura ubidera itzultzen denean, berriro erabiltzeko moduan egon behar du.
- 6. Landare estaldura mantentzea, batez ere basoak, funtsezkoa da ur baliabideak kontserbatzeko.
- 7. Ur baliabideen inbentarioa egin behar da.
- 8. Uraren erabilera zuzena agintari eskudunek planifikatu behar dute.
- 9. Ura kontserbatzeko modua indartu behar da ikerketa zientifikoa areagotuz, espezialistak prestatuz eta informazio publiko egokiaren bitartez.
- 10. Ura guztion ondasuna da eta guztiok ezagutu behar dugu duen balioa. Pertsona guztiek aurreztu eta arretaz erabili behar dute.
- 11. Uraren erabilera ibai-arro naturaletan oinarritu behar da eta ez muga politiko eta administratiboetan.
- 12. Urak ez du mugarik. Nazioarteko lankidetza eskatzen duen guztion ondasuna da.