Bi txanpon berdin ditugu: A eta B (euro batekoak, adibidez). B txanpona geldi dagoela, A (irrist egin gabe) B-ren inguruan biraka ari da, hasierako lekura buelta egin arte. Zenbat buelta eman ote ditu A txanponak?

Erantzuna:

A txanponak bi buelta emango ditu bere inguruan, B-ren inguruan biraka dabilen bitartean. Aukeretako bat hau da: B txanponaren inguruan biraka dabilela, A txanpona posizio berean egongo da B-ren goiko aldetik zein behekotik pasatzean.