Egungo gizakiaren gorputzeko masa osoaren % 40 ehun muskularrak osatzen du. Estimuluen faltagatik muskuluak atrofia daitezke, bereziki behin 30 urtetik aurrera.

Muskuluak landuz, (bai indarra eta malgutasuneko entrenamenduaz), honako eragin hauek eskura ditzakegu:

• Zuntz muskularren kopuru eta lodiera handitzea.
• Elikaduraren bidez jasotako proteinak era egokiagoz erabiltzea (hobeto degradatzen dira).
• Muskuluaren uzkurtze-kalitatea hobetzea. Beraz, sasoi hobea izango dugu, eguneroko lanak errazago egingo ditugularik.
• Giltzadurako osagai guztien (tendoia, lotailuak, kapsula, muskuluak) luzaketa eta malgutasuna lortzea, artikulazioaren mugimendurako arku osoa bermatuz.
• Lesioekiko prebentzio-maila handitzea, bai eta errehabilitazio programei eusteko ahalmena ere.
• Jarrera (postura) egokiagoa lortzea, hainbat min saihesten lagunduko digularik.
• Endomorfina izeneko hormonen jariaketa suspertzea, ongizatea, geure buruarekiko konfiantza eta euforia sorraraziz.
• Gure gorputzaz dugun pertzepzioa, onarpen-maila eta gure buruarekiko estimua hobetzea. Itxura fisikoa hobetuz besteek ere begi hobeekin ikusiko gaituzte.