Bizi-itxaropen osasuntsua
Bizi-itxaropena pertsona batek bizitzea espero duen urteak dira. Hori, ordea, pertsona bizi den munduko partearen arabera alda daiteke. Bizi-itxaropen osasuntsua hau da: pertsona batek gaixotasunik edo minusbaliotasunik gabe bizi dezakeen urte-kopurua. Herri baten heriotza-tasaren ezaugarriak laburtzeko gehien erabiltzen den neurria da.
Elikadura, higiene eta medikuntzan izandako hobekuntzei esker lortu da bizi-itxaropena handitzea.
Bizi-itxaropena Lehen Munduko herrietan
Bizi-itxaropena handitu egin da bizi-kalitatea hobetzeari esker, eta etengabe handiagotzen ari da Lehen Munduko herrietan. Sei hamarraldiren buruan ehun urte ingurukoa izatea espero da. Kontuan izan behar da, hala ere, bizi-itxaropena eta bizi-kalitatea ez doazela batera, zahartzearekin erlazionatutako gaixotasunak ere hazi egiten baitira bizi-itxaropena handitzean.
| Herrialdeak | Urteak |
|---|---|
| Japonia | 74,5 |
| Australia | 73,2 |
| Frantzia | 73,1 |
| Suezia | 73,0 |
| Espainia | 72,8 |
| Italia | 72,7 |
| Grezia | 72,5 |
| Suitza | 72,5 |
| Monako | 72,4 |
| Andorra | 72,3 |