Nowhere Boy lanak amaren heriotzagatik gogaituta dagoen Lennon nerabe bat erakusten du, mozkor zegoen polizia batek autoarekin harrapatu baitzuen haren ama. Hori dela eta, musika, artea eta Paul McCartneyren adiskidetasuna dira gaztearen ihesbideak.

Taylor-Woods zuzendariak esan duenez, gidoiaren oinarrizko alderdietako bat artistak gaztaroan ezagututako emakumeak dira. "Lennonen lehendabiziko urteetako emakumeek bere izaera eratu zuten, eta bere harremanen sendotasunak eta ahuluneak dira filmaren mamia".

Lehendik ere, Lennonen irudiari buruzko hamaika proiektu egin dira, baina nabarmentzekoa da Canneseko Zinemaldian aurkeztu zuten Chapter 27. Pelikula horrek kritika ugari jaso ditu, zenbaiten iritziz, John Lennonen hiltzailea goratzen baitu.