http://www.hiru.com/zinea/erreportaiak Albisteak, erreportaiak http://www.hiru.com/img/logoa.gif http://www.hiru.com http://www.hiru.com/zinea/erreportaiak/320334 Herrikide batzuen betiko gorroto irrazionala jaso du Olga Kurylenko aktore ukrainarrak Bond neska berria izateagatik. San Petersburgoko (antzinako Leningrad) Alderdi Komunistako burkideek "ideal sozialistak saldu izana" egotzi diote aktore eta modeloari, Daniel Craig aktorea buru duen eta datorren azaroaren 21ean estreinatuko den 007 agentearen azken filmean parte hartzeagatik.

]]> http://www.hiru.com/zinea/erreportaiak/320282 Two Lovers drama izango da Joaquin Phoenix aktoreak egingo duen azken pelikula. Bertan, Gwyneth Paltrowekin batera, familia juduetan sortzen diren debekatutako maitasunen gaia jorratuko du. Ondoren, aktoreak zinema albo batera utzi eta musikagintzan arituko dela adierazi du tinko.

]]> http://www.hiru.com/zinea/erreportaiak/319729 Lehen ere, Michael Moore eta Oliver Stone zinemagileek jorratu dituzte gai politikoak haien proiektuetan. 2002an, Michael Moorek Amerikar Estatu Batuetako (AEB) indarkeriaren jatorriaz egin nahi izan zuen gogoeta Bowling for Columbine zintan. 2004an, bestalde, Farenheit 9/11 filmatu zuen eta bertan, 2001eko irailaren 11n New Yorken izandako atentatuen ondoren, George W. Bushek eta bere gobernuak izandako jokabidea zalantzan jarri nahi izan zuen. Oliver Stonek ere nahastu izan ditu bazterrak bere pelikulekin. 2003an, esaterako, Comandante estreinatu zuen, Fidel Castro agintari kubatarrari buruzko lana, eta Castroren aurkako sektoreak sutu egin zituen. Urte berean, 2003an, Palestinaren eta Israelen arteko gatazka gaitzat hartuta, Persona Non Grata erakutsi zuen jendaurrean. Munduko txoko hartan zer gertatzen den jakin asmoz abiatu zuen filmaketa. Egun, John McCain eta Barack Obama presidentetzarako kanpainak agortzen ari diren egunetan, bi zinemagileek haien ikuspuntua erakutsi nahi dute, ostera.

]]> http://www.hiru.com/zinea/erreportaiak/318810 Sherlock Holmes detektibe ospetsua modan dago. Urte asko pasatu dira Sir Arthur Conan Doyle idazleak 1887. urtean sona handiko ikertzailea sortu zuenetik. Dena ondo badoa, detektibe ezaguna pantaila handira eramango dute datozen hilabeteetan bi lan ezberdinetan. Holmes detektibe pribatu adarjotzaile, argi eta jakin-min handikoa izan da beti, eta xehetasun xumeetatik emaitza harrigarriak lortzen ditu, jakintza eta kontzentratzeko gaitasun apartak baititu.

]]> http://www.hiru.com/zinea/erreportaiak/318295 Urte asko pasa dira, 50 urte hain justu ere, Bilboko Zine Dokumental eta Laburmetraien Nazioarteko Zinema jaialdia (Zinebi) lehendabiziko aldiz egin zenetik. Hori dela eta, 50. urteurrena behar bezala ospatzeko larunbatean, urriaren 11n hasita, hogei bat ekitaldi prestatu dira. Jai handi honetarako, Zinebik jaialdiaren lehenengo edizioko egoitza berreskuratu du, Gran Vía Zinema zaharra.

]]> http://www.hiru.com/zinea/erreportaiak/317690 Superheroiei buruzko zinema zorioneko dago. Iron Man, Hellboy, Sin City, Hulk, Spider-Man eta Batman gisako pelikulek generorik arrakastatsuenetako bat bilakatu dute zinema mota hori. Kritikek eta txarteldegietako datuek bat egin dute, eta badirudi, makalaldia amaitu dela superheroiak pantaila aurrera eramaterakoan. Baina, ez da beti horrela izan. XX. mendean komikietako protagonistek ez zuten harrera onik izan zinema aretoetan.

]]> http://www.hiru.com/zinea/erreportaiak/317115 Pelikula batek sortzen duen irabazia ez da proiektua arrakastatsua bilakatzeko nahikoa izaten. Hollywooden horrelakoak gertatzen dira batzuetan. Horren adibide da superheroi ezagunenetako baten azken filmarekin gertatu zena. Superman Returnsek dirua bakarrik eragin zuen, baina zintak ez zuen istorioaren jarraipena egiteko biderik utzi. Pelikulak bildutako diru kopurua 391 milioi dolarretatik gorakoa izan zen, baina gastua 270 milioitakoa izan zen. Beste produkzio batzuekin alderatuz gero, Altzairuzko Gizona ez zen batere errentagarria izan. Orain, Warner Brossek superheroiaren aurpegia garbitu eta zerotik hastea erabaki du.

]]> http://www.hiru.com/zinea/erreportaiak/314749 Joan den larunbatean, mende erdi bete zen Ameriketako Estatu Batuetan Cat on a Hot Tin Roof (Zinkezko teilatu gaineko katemea) pelikula jendaurrean erakutsi zutela. Sei izendapen jaso zituen Oscar sarietarako eta Hollywoodeko klasikoa bihurtu da denborarekin. Paul Newman eta Elizabeth Taylor izan ziren zintako protagonista nagusiak.

]]> http://www.hiru.com/zinea/erreportaiak/313604 Will Smith aktore estatubatuarra modan dago. Hancock bere azken filmak arrakasta handia lortu du eta, gainera, kaleratu berri duten zerrenda baten arabera, Hollywooden diru gehien irabazten duen aktorea da.

]]> http://www.hiru.com/zinea/erreportaiak/311748 Donostiako Zinemaldiko 56. edizioaren atarian gaude, eta, ondorioz, irailaren 18tik 27ra bitartean Gipuzkoako hiriburuak zeluloideko hainbat eta hainbat izar bilduko ditu, bai lanak aurkeztera hurbilduko direnak, bai euren ibilbidea dela eta sariak jasotzera etorriko direnak. Horiez gain, gainera, lehiaketa barruan zein kanpo proiektatuko diren zinta ugari ikusteko parada izango da. Aitzitik, ez da beti horrela izan, hasiera guztiak zailak izaten baitira.

]]>